காத்தான்குடியில் பாம்பு மழை (படம் இணைப்பு)

Posted on 25/01/2013

tm-

காத்தான்குடியின் சில பகுதிகளில் இன்று (25.1.2013) காலை பாம்பு மழை பெய்துள்ளதாக பிரதேச வாசிகள் காத்தான்குடி இன்போவிற்கு தெரிவித்தனர்.

காத்தான்குடி 6ம் குறிச்சி அமானுல்லா வீதி மற்றும் காத்தான்குடி ஜன்னத் மாவத்தை ஆகிய பகுதிகளிலேயே இந்த பாம்புமழை பெய்துள்ளது.

காத்தான்குடி அமானுல்லா வீதியிலுள்ள ஒரு வீட்டிலும் ஜன்னத் மாவத்தையிலுள்ள ஒரு வீட்டிலுமே இந்த பாம்பு மழை பெய்துள்ளது.

ஜன்னத் மாவத்தையில் வசிக்கும் பெண்மனியொருவர் தனது வீட்டின் வளாகத்தில் நின்று கொண்டிருந்த போது மழையுடன் சேர்ந்தாற்போல் பாம்புகள் இரண்டு வந்து விழுந்ததாகவும் அதில் ஒன்று தனது தோல் பட்டையில் விழுந்து ஓடியதாகவும் தெரிவித்தார்.

இந்த பாம்புகள் எந்த இனத்தை சேர்ந்த பாம்புகள் என்பது பற்றி தங்களுக்கு தெரியாது எனவும் பிரதேச வாசிகள் தெரிவித்தனர்.